• Trending

    صدائے درد



    سیلِ حوادث سے توکیوں ڈرنے لگا مثلِ نمل
    ہر موج ہے تیرے لئے اک دعوتِ فکر  و عمل

    مایوس کیوں ہے زندگی کی راہ گر پر خار ہے
    مردِ مجاہد کے لئے ہر خار ہے کھلتا کنول

    ہیں چار سو تیرے اگر چہ اژدہائے شر، تو کیا
    تو بھی یدِ بیضا لئے،   ہوعازمِ جنگ و جدل

    آہ،  گلشنِ حق کی ننھی کلیاں  پریشاں حال کیوں
    گلچینِ باطل کے لئے اٹھ بن کے  پیغامِ اجل

    اٹھ لذتِ پرواز میں منزل سے ہو نا  آشنا
    ہر ایک شامِ ابد ہو تیرے لئے صبحِ ازل

    سب غافلوں کو عشقِ پروازِ مسلسل کر عطا
    خوابِ غفلت میں صدائے درد سے لا کر خلل

    ہے   امامِ انفس و آفاق دردِ    اشتیاق
    صور ِ اسرافیل ہے، مشتاق دردِ   اشتیاق


    ماسٹرمشتاق احمد مغل
    ماہڑہ، سرنکوٹ، پونچھ

    9622353885

    No comments

    Post Top Ad

    Post Bottom Ad